Մաշկաբան. Ամռանը մաշկին ճիշտ խնամք է հարկավոր

Ամառային արևի ճառագայթները հայերին բնորոշ մաշկի տեսակի համար բացասական դեր են խաղում: Այս մասին լրագրողների հետ հանդիպման ժամանակ ասել է բժիշկ-մաշկաբան Լիլիթ Գևորգյանը:

Ըստ նրա, գոյություն ունի մաշկային դասակարգում, որի համաձայն, առանձնացնում են մաշկի 6 տիպ:

«Առաջինն այն մաշկն է, որը չունի մաշկին երանգ տվող գունանյութ` մելանին: Իսկ 6-րդ տեսակի մաշկը հագեցած է մելանինով: մելանինն էկրան է հանդիսանում ուլտրամանուշակագույն ճառագայթների համար և պաշտպանում է մաշկը դրանցից»,-ասաց մասնագետը:

Մաշկաբանի խոսքով, ազգաբնակչության մեջ հանդիպում է մաշկի 4 տեսակ` սպիտակից մինչև մուգ թուխ երանգներ: Որքան մաշկի գույնը մուգ է, այնքան այն պաշտպանված է արևի ճառագայթներից:

Ամռանը, Լ. Գրիգորյանի խոսքով, հիմնականում, խնդիրներ են առաջանում մաշկի արևայրուքների հետ կապված: Իսկ այս սեզոնին կոսմիտիկ միջոցների օգտագործումը, մասնագետի հավաստմամբ, կապված է մաշկի յուրահատկությունից:

Արևից վնասվում է հատկապես յուղոտ մաշկը, իսկ որքան մաշկը վնասվում է արևից, այնքան մեծանում է մաշկի քաղցկեղի առաջացումը: Առողջապահության համաշխարհային կազմակերպության տվյալների համաձայն, ուլտրամանուշակագույն ճառագայթները հանդիսանում են քաղցկեղի առաջացման պատճառներից մեկը:

Վերջում բժիշկ-մաշկաբանը կանանց խորհուրդ տվեց ամռանը մաշկի ճիշտ խնամք իրականացնել: Առաջին հերթին հարկավոր է մաշկի մաքրությունը ապահովել, ապա խոնավեցումը:

Հարցեր, պատասխաններ, մեկնաբանություններ